Tatimet sqarojnë ligjin e faljes fiskale: Kush përfiton, kush përjashtohet dhe cilat janë afatet
Fermerët që merren me bujqësi organike mund të aplikojnë deri më 26 qershor për mbështetje financiare.
Fermerët që ushtrojnë aktivitet në sektorin e bujqësisë organike kanë mundësi të aplikojnë deri më 26 qershor për të përfituar mbështetje financiare në kuadër të Skemës Kombëtare të Mbështetjes për Bujqësinë 2026. Masa 6 e kësaj skeme i dedikohet fermave organike dhe synon të nxisë prodhimin sipas standardeve të certifikuara, të rrisë konkurrueshmërinë e sektorit dhe të promovojë praktika bujqësore të qëndrueshme.
Mbështetja sipas fazës së certifikimit
Sipas kritereve të përcaktuara, fermerët përfitojnë mbështetje financiare në varësi të fazës së certifikimit organik. Për vitin e parë të certifikimit parashikohet një mbështetje prej 100 mijë lekësh, ndërsa për vitin e dytë dhe të tretë përfitimi rritet në 150 mijë lekë. Fermat që disponojnë certifikim organik përfitojnë mbështetje financiare deri në 200 mijë lekë.
Nxitje për prodhimin e qëndrueshëm
Kjo masë synon të inkurajojë zgjerimin e sipërfaqeve të kultivuara me metoda organike, përmirësimin e cilësisë së produkteve bujqësore dhe përmbushjen e standardeve të kërkuara nga tregjet vendase dhe ndërkombëtare. Ministria e Bujqësisë dhe Zhvillimit Rural u bën thirrje fermerëve të interesuar që të aplikojnë brenda afatit të përcaktuar për të përfituar nga fondet e vëna në dispozicion për zhvillimin e sektorit bujqësor.
Mbështetja për bujqësinë organike konsiderohet një nga instrumentet kryesore për promovimin e prodhimit të qëndrueshëm, mbrojtjen e mjedisit dhe rritjen e vlerës së shtuar të produkteve shqiptare në treg.
k.jpg)